মৰুভূমি - দিপ্‌লু শৰ্মা

শুকান বালিচৰত 

বেলিৰ উত্তাপ

এক সংঘৰ্ষময় জীবনৰ বৃত্তান্ত । 

মৰুভূমিৰ বালিচৰত  

লঠঙা গছৰ ডালত 

সাজিছে এটি চৰায়ে বাহ ।

   

তৃষ্ণাত ব্যকুল হৈ পৰা   

চৰাই এজাক ,

অপেক্ষা এটোপি পানীৰ । 

  

তপ্ত বালিৰ মাজত

সৰু নদ সদৃশ ,

যেন সপোনত দেখা সাগৰ অমৃত ।

পথচাৰীৰ পিঠিৰ বোজা

এটি উটে কঢ়িয়াই ,

তপত বালিৰ চিকমিকনিত ,

দেহ পুৰি যায় ।

বনিয়াই বেপাৰলৈ বুলি

জীৱন সংগ্ৰাম কৰি ,

  

এটোপি পানীৰ বাবে

হাহাকাৰ কৰে।  

তথাপিও জীৱন যুদ্ধত 

জয়ী হয় হাঁহি-হাঁহি ।                             

শুকান মৰুভূমিত 

বালিৰ চিকমিকনি।

এচাটি গৰম বতাহে

চুই যোৱা দেহাটি ,

মৰুভূমিত তপত বালিৰ চিকমিকনিত ,  

জীৱন সংগ্ৰাম কৰি যায় হাঁহি-হাঁহি ।

✍🏻শ্ৰী দিপ্‌লু শৰ্মা  

 গুৱাহাটী , বশিষ্ট ।