মকৰা-ৰজনী কুমাৰ ডেকা

নিসংগতাৰে চিকাৰ সাজো

দৈহিক এঠাৰে নিশা জাল গুঠো , 

এন্ধাৰত সাহস পোৱা 

বিৰল প্ৰতিভাৰে । 

কোনে কয় 

এন্ধাৰ শক্তি অপ্ৰতিভাশালি ? 

চেষ্টা মোৰ ওপৰলৈ 

যদিও সৰো পৰে তললৈ , 

ওৰ নপৰা মোৰ মনৰ স্থিতি । 

অস্ত্ৰহীন অসীমত ধৈৰ্য্যই

মোৰ প্ৰতিক্ষণৰ চোকা অস্ত্ৰ। 

সংশয় মোৰ মনুষ্যলৈ 

পোহৰত ভগা মোৰ জালখনলৈ , 

উপমা মোৰ প্ৰাচীৰ প্ৰদৰ্শন

আলসুৱা সূতা মোৰ আলসুৱা মন 

ব্যৰ্থতাক নেওচি সফলতাত 

উপনীত হোৱা, 

প্ৰতি কৰ্মত মোৰ আৰ্হি লোৱা। 

ওপৰলৈ যোৱা যদিও সৰি পৰা 

তথাপি লক্ষ্যত উপনীত হোৱা।