কবি নাম পায় ?
তেওঁৰ কবিতাত যদি
ভাব-ভাষাই নাই ।
বাস্তৱিক-কাল্পনিক
অজস্ৰ কাহিনীক
কাব্যৰ ৰসেৰে যদি
ছন্দত বান্ধি,
পাঠকৰ মন মুহি
মগজুত পৰশ সানি
সৃষ্টি কৰে যদি
কাব্য সুঁতি
সেই কাব্যৰ গৰাকীয়েই
এজন কবি ।
বেবেৰিবাং কথা লিখি
অৰ্থহীন কাব্য ৰচি,
সাহিত্যত নাম লয়
জনপ্ৰিয় কবি ।
আৰম্ভ ইয়াত কৰি
অন্ত ক'ৰবাত,
পুৱতিৰ কবিতাত আকৌ
বিয়লি বিলাপ ।
অৰ্থহীন কবিতা লিখি,
সহস্ৰ বঁটা লভি,
একাংশ কবি আজি
টকাৰে বলী ।
ক'ব খোজা নাই যে
মই এজন কবি,
অৰ্থহীন কবিতাৰ হয়তো
ময়ো গৰাকী ।
অনুভৱৰ টোপোলা মাথোঁ
ৰাখিছোঁ লিখি ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ