শেৱালি অবিহনে
শৰতৰ সৃষ্টি আধৰুৱা ।
ধৰালৈ আহিবলৈ
দিয়া তুমি
দুৰ্গা মাক আগজাননী ।
ৰাতি পাহি মেলি
দিনত সৰি পৰা,
তোমাৰ পাহিয়ে মোহে
শিশুৰ পৰা বৃদ্ধজনলৈ।
তোমাৰ এই মিঠা সুগন্ধিত
ভোল যায় বাটৰুৱা ,
পৰিবেশ নিকা কৰা তোমাৰ
ফুল আৰু পাত অতি মোহনীয়া ।
ধৰাক দিয়া পবিত্ৰতা ।।
ফুল আৰু পাতৰ ঔষধি গুণে
দূৰ কৰে ব্যাধি ।
ডেকা-গাভৰুৰ মৌন গানক
তুমি ৰহন সানি
নিশ্চিত কৰা প্ৰেম ।
আমি আগবাঢ়ো তোমাৰ
আদৰ্শক সাৰোগত কৰি
জীৱন বাটত।।
✍️শ্ৰী স্বাগতা নন্দা ভূঞা ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ