স্বৰ্গ ,মৰ্ত্য,আৰু পাতাল
এই ত্ৰিজগতৰ সৃষ্টিকৰ্তা তুমি
তোমাৰ শ্ৰেষ্ঠ সৃষ্টি মানৱ জাতি
তুমি যে সৰ্বত্ৰ জ্ঞানৰ অন্তৰ্যামী ।
তুমি যে অদৃশ্য
নাই কোনো আকাৰ
নাই কোনো জাতি ধৰ্ম
সকলোৰে মাজত আছা হৈ নিৰাকাৰ ।
তোমাৰ সান্নিধ্য বিচাৰি
প্ৰতিটো মুহূৰ্তত আছো মগ্ন
পৱিত্ৰ চৰণত সেৱা কৰি
তথাপিও তোমাৰ অস্তিত্ব
নপাওঁ ক'তো বিছাৰি ।
হে প্ৰভু
তুমি যে সৰ্বজ্ঞানী
নাপাও তোমাক ভালকে চিনি
কি নামেৰে মাতিলে
আহিবা আমাৰ কাষ চাপি।
তোমাৰ নীতি-নিয়ম মানি
পুৱাৰ আকাশত ওলায়
সূৰ্য্য দেৱতা হাঁহি - হাঁহি
পোহৰ বিলাই থাকে এই ধৰণী ।
তোমাৰ যে কি লীলা
আকাশত ওলমাই ৰাখিছা
অগণন তৰাৰ মেলা
গছ-লতা নদ-নদীৰে কৰিছা
এই ধৰণী চিৰ বিনন্দীয়া ।
✍️আলতাব হুছেইন
অতি সুন্দৰ
ReplyDelete