প্ৰকৃতিৰ মহান দান মানৱ জীৱন।
প্ৰতিটো মুহুৰ্ততে জীৱনে আমাক দিয়ে
নতুন নতুন জ্ঞানৰ পথৰ সন্ধান ।
জীৱনে কেতিয়াবা হঁহুৱাব , কেতিয়াবা কন্দুৱাব
প্ৰতিটো বাধাক নেওচি আগবাঢ়ি যোৱা জন জীৱনৰ ৰজা ।
প্ৰতিটো মুহুৰ্ততে অনুভৱ হয় যে আমাৰ
জীৱন হৈ পৰে ফুলশয্যা নতুবা কাঁইটৰ শৰ্য্যা ।
আমি সকলোৱে প্ৰকৃতিক সদায় ভালপাওঁ
কাৰণ আমি সকলোৱে প্ৰকৃতিৰ সন্তান । জীৱন নামৰ যুদ্ধখনত সদায় আগবঢ়াত সহায় কৰে
কথাৰে শেষ কৰিব নোৱাৰি প্ৰকৃতিৰ গুণ-গান।
বিশ্বব্ৰহ্মাণ্ডৰ প্ৰতিটো জীৱই সৰুৰ পৰা ডাঙৰলৈ
কৰি আছে যুদ্ধ জীৱনৰ লগত ।
জীৱন যুদ্ধত পৰাস্ত হৈ হৈ অৱশেষত জয়ী হ'লে
আনন্দত আত্মহাৰা হয় প্ৰকৃতিৰ বুকুত ।
জীৱন হৈছে প্ৰকৃতিয়ে আমাক
প্ৰদান কৰা এক সুন্দৰ উপহাৰ ।
জীৱন যুদ্ধত এবাৰ-দুবাৰ পৰাজয় হ'লেও
প্ৰকৃতিৰ মাজত থাকি কেতিয়াও নেলাগে বেজাৰ।
সকলো জীৱৰ মাতৃ তুমি প্ৰকৃতি
তোমাৰ বুকুতে জীৱৰ জন্ম আৰু মৃত্যু ।
জীৱন নামৰ চলচ্চিত্ৰৰ পৰিচালক তুমি ।
প্ৰকৃতি তোমাৰ নিয়ম চিৰন্তন সত্য ।
প্ৰকৃতি সদায় অনন্ত ।
প্ৰকৃতি তোমাৰ জীৱন ধন্য ।
✍️বিকাশ দাস
দ্বাদশ শ্ৰেণী
বৰপেটা চৰকাৰী উচ্চতৰ মাধ্যমিক বিদ্যালয়
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ