লুইতৰ কাল বান-আলতাব হুছেইন

ধাৰাষাৰ বৰষুণৰ ফলত

শান্ত লুইত আজি অশান্ত,

পাহাৰৰ নিজৰাৰে পানী নামি

লুইতৰ বুকু ভৰি

কাল বান হৈ আহিল ;

চৌদিশে কেৱল পানী আৰু পানী ।

ঘৰৰ পিৰালিত আজি

এককাল  পানী 

পানীৰ মাজতে বাজি আছে

কেউদিশে মৃত্যুৰ কিৰিলি ।

চকুৰ পলকতে দেখা পাওঁ

চাৰিওফালে পানী আৰু পানী ,

অনাহাৰে আনিদ্ৰাই থাকোঁ 

তোমাৰ কাল বানত পৰি ।

কাল হৈ আহিলা তুমি

লুইতপৰীয়া কৃষকৰ 

বুকু ভাঙি মোহাৰি 

নিলি যে আশাৰ সপোন 

কৃষকৰ হৃদয়ত 

দুখৰ বোৱতী নৈ‌ বোৱাই ।

মথাউৰি ভাঙি 

পানীৰে প্লাৱিত কৰি 

দুখেৰে সজা সুখৰ ঘৰখনি‌

চকুৰ পচাৰতে

নিলি যে উটুৱাই 

দুখৰ অশ্ৰুৰে সাগৰ বোৱাই ।

            ✍️আলতাব হুছেইন