এটি নতুন হাঁহি
সেউজীয়া
বনৰ ৰাণী হৈ সেউজ কৰি
তোলে উদং পথাৰ খনক ।
সেউজ ৰাণীৰ মুখত
আকৌ
এটি হালধীয়া বৰণ সানি দিয়ে।
মন ভৰা পথাৰ খনত
সেউজীয়াৰ
মাজত যেন লুকাই থাকে,
হালধীয়া ফুলৰ এটি হাঁহি ।
হালধীয়াই পথাৰখন জিলিকাই ৰাখে ।
হিয়া ভৰা সুন্দৰ দৃশ্য চাই মনত পৰে
আপোনজন লৈ ,
যেন হালধীয়া ফুলবোৰৰ মাজত
মোৰ আপোন লুকাই আছে ।
মই কেতিয়াবা খেদি যাওঁ হালধীয়া ফুলবোৰৰ
মাজত যেতিয়া মোলৈ চাই বতাহ হালি জালি হাউলি যায় ফুলবোৰ ,কিজানি বিচাৰি পাওঁ আপোন জনৰ মুখৰ হাঁহিটি ।
কতচোন ?
দেখাই নাপাওঁ।
মই পুনৰ উভতি আহোঁ ।
মনৰ মাজত
কিবা কথাই বৰকৈ খুন্দিয়াই থাকে,
সেই হালধীয়া ফুলবোৰ চালে ।
নাজানো কি ?
কথাই বৰকৈ মোক খুন্দিয়াই মাৰে।
উওৰ বিচাৰি আপোনজনক বাৰে বাৰে বিচাৰো
কিন্তু দূৰণিত থকাৰ বাবে আপোনজনৰ উওৰ ও
নাপাওঁ বিচাৰি ।
হালধীয়া ফুলৰ সৈতে কথা পাতো
হালধীয়া হাঁহিত বিচাৰি পাওঁ আপোন জনক
হালধীয়াই মোৰ আপোন হাঁহি ,
হাঁহিৰ মাজত আপোন জন বিলীন হৈ আছে ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ