উলাহতে নাচিছে ।
উপচি পৰিছে আনন্দৰ জোৱাৰ,
ফুল ফুলিছে
ভোমোৰাই ৰস পান কৰিছে
এই আনন্দৰ নাই পাৰাপাৰ ।
আকাশত তৰাবোৰে জ্বিলমিল কৰি
পাতিচে ৰূপৰে মেলা ,
ৰূপতে ৰহণসনা ।
শীতৰে সেমেকা ৰাতিত
নিয়ৰ পৰে টোপ টোপা টোপ,
নিয়ৰৰ শব্দত প্ৰকৃতি ৰাজ্যই
গীত যোৰে মনোৰম ।
পানীৰ মাজত মাছ-কাছ-ঘৰিয়ালে
একেলগে গাইছে বন্ধুত্বৰ সংগীত,
আকাশৰ পৰা মুকুতা ৰূপে নামিছে
জোনাক যেন এই বৰষুণ ।
ফুলে ফুলে উৰি উৰি
চাই আছে ফুলৰে মুখনি ,
আনন্দতে আত্মহাৰা ভোমোৰাই
ফুলৰে মৌ-পান কৰি ।
প্ৰকৃতি কুঁৱৰী প্ৰকৃতি কন্যাই
জন্ম লৈছিল প্ৰকৃতিৰ বুকুত ,
প্ৰকৃতিৰ মাজতে ধেমালি কৰি
খোপাত লৈছে নানাৰঙী ফুল ।
পিন্ধিছে গোলাপ ফুলৰ সাজ
তাই আনন্দত মচগুল ।।
আবেলি সময়ত নৈৰ পাৰত
প্ৰকৃতি কন্যাই চিঙিছে ফুল ,
ফুলবোৰ লাজতে মৰহি যায়
প্ৰকৃতি কন্যাৰ পাই হাতৰ পৰশ ।
প্ৰকৃতি কন্যাক
যাচিছে প্ৰেমৰ প্ৰস্তাৱ
প্ৰকৃতি ৰাজ্যৰ কোঁৱৰে ,
প্ৰেমৰ প্ৰস্তাৱক হাহিৰে আকোঁৱালি লৈ
প্ৰকৃতি কন্যাই ভালপোৱা বিলাইছে ।
প্ৰকৃতি কোঁৱৰৰ প্ৰেমৰ আৱেগে
লৈছে তীব্ৰ বতাহৰ ৰূপ ,
জোনাক নিশা আকাশৰ তলত বহি
দুয়ো জুৰি আছে প্ৰেম-সংগীত ।
আজি প্ৰকৃতি ৰাজ্যই নাচিছে
সাগৰত ঢৌ উঠিছে ।
আনন্দৰ জোৱাৰ বৈ আছে ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ