তলসৰা কুঁৱলীৰ ফুল-শান্তনু হাজৰিকা

শৰতৰ শীতল আৱৰণৰ মাজত তোমাক দেখিছিলোঁ

তুমি হেনো তলসৰা শেৱালী দিনত নুফুলা ।

হিমচেঁচা কুঁৱলীৰ মাজত তোমাক বিচাৰিলোঁ

তুমি ধৰণীত পাৰি দিলা শীতল শেৱালীৰ দলিচা।

হাজাৰজনে তোমাক গছকি মোহাৰি যায়

তুমি বাৰু নোহোৱা নেকি আঘাতপ্ৰাপ্ত ?

কুঁৱলীৰ আঁৰত সদায়ে পাৰা এখনি নতুন দলিচা

এয়াই নেকি তোমাৰ বাৰু মৌনতাৰ অস্তিত্ব ?

বুকুত কেনেকৈ সহা হাজাৰ গছকৰ ভৰ

নোপোৱানে অলপো তুমি যন্ত্ৰণা ?

মোকো দিয়া সেই মহান অমৃত মন্ত্ৰ

কিজানি সহিব পাৰোঁ মৌনতাৰে সকলো বেদনা !!!

                                  

✍🏻শান্তনু হাজৰিকা