বিষাক্ত গজালটো-গায়ত্ৰী কোঁৱৰ

মামৰে ধৰা গজালটো

আজিও সোমাই আছে

কোনোবাজনৰ হৃদয়ৰ কোনোবা কোণত ,

বিষাক্ত সেই গজালটো যে

তাৰ কাৰণেই 

কলুষিত আজিৰ সমাজ ।

যিমানেই সি পুৰণি হৈ পৰিছে

সি যে আৰু শক্তিশালী হৈ পৰিছে ,

খুচি বিন্ধি শেষ কৰি পেলাইছে

মানৱতাৰ দুৱাৰদলি ।

মৃত্যুমুখী পচা সেই গজালটো

মৃতপ্ৰায় হৈয়ো দেখোন অমৰ ,

কাৰণ .. !

মানুহেই যে হেৰুৱাই পেলাইছে

মানুহৰ পৰিচয় ।

🅾️শ্ৰীমতী গায়ত্ৰী কোঁৱৰ

জিলা: ডিব্ৰুগড় ।