মিনতি-মাৰ্জিনা বেগম

যি নিয়তি স্ৰজিলে মোক 

মিনতি কৰিছোঁ তেওঁক,

হৃদয় দাপোনত  তুমি  

 চোৱা এবাৰ চকু মেলি।

প্ৰতি পুৱা গধুলি তোমাক  সুৱৰি 

প্ৰেমৰ দুৱাৰ খুলি দিছোঁ ,

 নিৰলে আহি ৰোৱা 

শুৱনি কৰি  হৃদয় বননি ।

তোমাৰ  এই নীতি- নিয়ম 

তোমৰ এই মায়া সংসাৰ, 

শত জন্মৰ কলংক সানি 

 যুগ যুগান্তৰ নৰক যন্ত্ৰণা ভুঞ্জি .......

 জানো জানো  তুমি   উদাৰ 

 ক্ষমা কৰিবা আমাক ।

সৰু কৰি নিদিবা মোক 

হৃদয়ৰ পৰিসৰ , 

আপোন- পৰ , শত্ৰু-মিত্ৰ

 ঠাই পায় যেন সম  ।

নিন্দা নকৰে  ঈৰ্ষাই কৰে 

আনৰ সুখত সুখী হওঁ সদায়,

অশেষ দুখী তেওঁ, কান্দো মই 

 সৰু আত্মা  তাৰ ।

  ✍🏻মাৰ্জিনা বেগম ।

          বৰপেটা