অনুভৱৰ টোপোলা টি- অম্লান জ্যোতি বড়া

আপোনাৰ অনুপস্থিতি 

সঁচাকৈ বিষাদ পূৰ্ণ ;

মাথোঁ আপুনি দি যোৱা স্মৃতি মধুৰ আছিল ,

আপোনাৰ মহত্ব প্ৰকাশ কৰিবলৈ

শব্দৰ যেন অভাৱ হৈছে ।

শব্দ থকা হ'লে লিখিলোঁহেঁতেন

আপোনাৰ গুৰুত্ব কিমান !

ভাষা থকা হ'লে বুজালোহেঁতেন

আপোনাক হেৰুওৱাৰ বেদনা কিমান !

আপুনি এনে এজন যুঁজাৰু আছিল

জীৱন যুদ্ধত আপুনি জয়ী হ'ল ,

আপোনাৰ ভাগৰ লাগিছে

আইৰ সেউজীয়া দলিচাত

আপুনি অলপ জিৰণি লওক ।

শেষ বুলি ক'লে জানো সম্পৰ্ক এটাৰ শেষ হয় ?

হয়তো নহয় ,

আপুনি আমাৰ অন্তৰত সদায় বিশেষ আৰু সুকীয়া ।‌