আকৌ উভতি অহাহেঁতেন
শৈশৱত পঢ়া সেই হালধীয়া হালধীয়া
টেবুল লেমৰ পোহৰ বোৰ ,
সমনীয়াৰ লগত লুকা-ভাকু ,
ঢকুৱা গাড়ী খেলা
সোনোৱালী দিন বোৰ ।
সোঁৱৰণী বোৰ আকৌ
উভতি অহাহেঁতেন ,
ছাৰ আৰু বাইদেউ অকৃত্ৰিম
মৰমবোৰ ,
বন্ধু আৰু বান্ধবীৰ লগত কটোৱা
মধুৰ ক্ষণবোৰ ।
সোঁৱৰণী বোৰ আকৌ
উভতি অহাহেঁতেন,
চিঠি লিখা ,মুখস্থ কৰা,
কলপাতত কৰা গৃহকৰ্ম
সোণোৱালী দিনৰ
মধুৰ স্মৃতি বোৰ ।
উভতি অহাহেঁতেন
স্মৃতিবোৰ আকৌ দিঠকলৈ ,
বিদায়ৰ পৰা স্বাগতমলৈ ।
🔳নৱজিৎ নাথ
ছিপাঝাৰ , দৰং
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ