দিয়া সেউজী দিয়া...
মোৰ হৃদয়টো তোৰ
সেউজীয়া দলিচা পাৰি দিয়া।
দিয়া পুষ্প ৰাণী দিয়া...
সেউজী দলিচাত ফুলেৰে
বুটা বাছি দিয়া ।
দিয়া,
হৃদয়খনি ফুলৰ সুবাসেৰে
উপচাই দিয়া ।
আহ্ পখিলি সখী আহ্ ,
হৃদয়ৰ ফুলনিখনিলৈ সোমাই আহ্
নাছি বাগি ফুৰহি আহ্ ।
দে জোনাকী দে....
তোৰ উজ্জ্বলতা মোকো দে।
হৃদয়ৰ পৃথিৱীখনি
মোকো উজলাবলৈ দে ।
আহ্ তৰালি আহ্...
মোৰ বুকুলৈ আহ
মনৰ আকাশত
তিবিৰাই থাকহি আহ্ ।
আহা না পশু ৰাজ - পক্ষী ৰানী
মোৰ কাষলৈ আহা...
কোৱানা মোকো মনৰ কথা
দিয়ানা বুজাই,
এই অবুজ ভাৱ-ভাষা ।
আহানা প্রকৃতি মোৰ কাষলৈ
বান্ধানা প্রকৃতি
আমাৰ বন্ধুত্বৰ এনাজৰী টানকৈ ।
লোৱানা মোক আদৰি
কৰানা মোৰ সতে ধেমালি ।
কোৱানা মোক ভাবিবানে
আপোন বুলি?
দিয়া না প্রকৃতি
মোকো তোমাৰ সৌন্দৰ্য্য মায়াবী ।
✍🏻আৰ্জিনা বেগম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ