খহি পৰিল এটি উজ্বল তৰা- আলতাব হুছেন

২০১১ চনৰ পাঁচ নৱেম্বৰ দিনটোত 

মায়া- মোহেৰে ভৰা

আকাশখনৰ পৰা 

খহি পৰিছিল এটি উজ্বল তৰা; 

সংগীতৰ পূজাৰী

তেওঁৱেই হ'ল আমাৰ আপোন ভূপেনদা ।

তেওঁৱেই আছিল ফাগুনৰ তেজৰঙী ফুল ,

মনটোক উন্মাদনা কৰা মলয়াজাক বলোতেই

খহি পৰিল এহেজাৰ ফুল

তথাপি তাৰ সুবাসে

আমোল মোলাই ধুনীয়া ধৰা।

নদীৰ সোঁতৰ দৰে  বৈ গৈছিল নিৰৱধি

 তেওঁৰেই  কলমৰ ক'লা- নিলা ধাৱাত

বহীৰ উকা পাতবোৰ হ'ল সোণালী।

তেওঁৰ কবিতা আৰু গীতবোৰ হ'ল

আমাৰ বাবে আজি সেউজীয়া স্মৃতি ।

খহি পৰা উজ্বল তৰাটি 

সাহিত্য-সংগীত প্ৰেমী

জ্ঞানৰ পূজাৰী মহৎ ব্যক্তি,

কাহানিও আমাৰ মাজলৈ 

অমানিশাৰ ৰাতি নাহে দুনাই 

এই আন্ধাৰ জগতখনক পোহৰ বিলাবলৈ ।