অহংকাৰ-আৰ্জিনা বেগম

0
অহংকাৰ কৰি কি লাভ ?
অহংকাৰৰ পৰিণতি কি ?
ভাৱি চোৱানে এবাৰ  
নাভাৱা ন!!!

ময়ো নাভাৱোঁ
কিন্তু দেখিছোঁ
অহংকাৰী সকলে কি পাইছে !
কি লাভ হৈছে তেওঁলোকৰ ?
কেনে অৱস্থা হৈছে?

অহংকাৰৰ পৰিণতি অতি ভয়ংকৰ জানানে ,
আমি সকলো অহংকাৰী,
      আত্মগৌৰৱী ।

কিয়নো
  কিয়নো আমি মানু্হ ।
আমি জীৱশ্ৰেষ্ঠ প্ৰাণী । 
    আমাৰ চিন্তা কৰিব পৰা শক্তি আছে ।

আমি যি মন যায় তাকেই কৰিব পাৰোঁ 
ভাল বেয়া সৎ অসৎ 
প্ৰয়োজনীয়-অপ্ৰয়োজনীয় সকলো ।

কেৱল মানুহ হোৱাৰ 
বাবে যে অহংকাৰ
তেনে নহয় ,
আমি আমাৰ শিক্ষা-দীক্ষা ৰূপ-সৌন্দৰ্য্য, সা-সম্পত্তিকলৈ 
   অহংকাৰ কৰোঁ 
        গৌৰৱ কৰোঁ ।

উচ্চ শিক্ষা থাকিলে 
শিক্ষিত বুলি দম্ভালি মাৰি ফুৰোঁ ।
টকা-পইছা ধন-সোন থাকিলে অহংকাৰ !

আমাৰ সকলো আছে 
    আমি আঢ্যৱন্ত লোক ।
ধন-সোন নাথাকিলে অহংকাৰ আমাৰ একোৱে নাই
আমি পেটে-ভাতে খায় থকা লোক । 

সকলোতেই অহংকাৰ আমাৰ,
সকলোৰেই অহংকাৰ
  হয়তো কাৰোবাৰ কম
 আন কাৰোবাৰ বেছি ।

কিন্তু
  কিন্তু কি লাভ হৈছে আমাৰ ?
আমিতো অহংকাৰত ওফন্দি
  পাহাৰৰ সমান উচ্চতা
লাভ কৰিব নোৱাৰোঁ 
নাইবা সাগৰৰ সমান গভীৰতা ।

জীৱ শ্ৰেষ্ঠপ্ৰাণী আমি মানু্হে 
 নিজৰ স্বাৰ্থৰ বাবে
  সকলো কৰিব পাৰোঁ ।

কিন্তু
কিন্তু কি কৰিব পাৰিছো আমি
পাৰিছো জানো সকলোকে
হিংসা মুক্ত কৰিব ?

আপোনজন হেৰুৱাৰ বাবে দুখ কৰিছোঁ 
  হিয়া ঢাকুৰি কান্দিছো
কিন্তু পাৰিছো জানো
  সেই মৃতকজনক
      জীৱন দিব ?
নাই পাৰা ন ! 

তেতিয়াহ'লে, 
       তেতিয়াহ'লে কিহৰ বাবে ইমান অহংকাৰ? 
   কি লাভ হৈছে আমাৰ অহংকাৰৰ? 

আমি শিক্ষা গ্ৰহণ কৰিব পাৰোঁ 
      আমাৰ শিক্ষা আছে ।
কিন্তু সেই শিক্ষা জানো আমি কামত লগাব পাৰিছো ?
      পাৰিছো জানো সমাজখন আগুৱাই নিব? 
   সমাজৰ অন্ধবিশ্বাস, কু সংস্কাৰ দূৰ
       কৰিব ? 
আজিও চোন সুৰক্ষিত নহয়
  নাৰীসকল,
আজিও চোন সমাজত বহুলোক
      শিক্ষা থাকিও অজ্ঞানী,
বহুলোক উচ্চ শিক্ষিত হৈয়ো নিবনুৱা;
      আৰু শিক্ষাও সেই নামৰহে
                   কামৰ নহয় ।

আজি আমি আমাৰ ৰূপ - লাৱণ্য; সা-সম্পত্তিকলৈও
         অহংকাৰ কৰিছোঁ 
                 গৌৰৱ কৰিছোঁ ।
কিন্তু 
      কিন্তু কাইলৈ চোন সেই মাটিৰ মানুহ আমি 
     মাটিতেই মিলিত হব লাগিব ।

     জন্ম-মৃত্যুৰ নিয়ন্ত্ৰণৰ ক্ষমতা
 নেদেখাজনৰ হাতত,
        ৰূপ সৌন্দৰ্য্য; সা-সম্পত্তিৰ অধিকাৰী মানুহৰ হাতত নহয়।

    তেনেহ'লে আমাৰ অহংকাৰ কিহৰ বাবে ? 
      কি লাভ হৈছে আমাৰ অহংকাৰৰ? 
       আমাৰ এই অহংকাৰৰ পৰিণতি কি?


               ✍🏻আৰ্জিনা বেগম, দৰং

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)