সুখৰ দিন সমাগত
সেউজীয়া পৰা আৰম্ভ কৰি
সোণোৱালী দিনৰ অপেক্ষাত ,
পিতাইৰ ডালিম গুটিয়া দাঁতৰ
মিচিকিয়া হাঁহিৰে উপচি
আজি সোণগুটিৰ আদৰণি ।
আইৰ হাতেৰে স্পৰ্শ কৰি ৰোৱা
ভূঁই আজি হ'ল সোণোৱালী
একাঠু বোকাৰ মাজত নিজকে
অৰ্পণ কৰি হাঁহিছিল আয়ে ,
এদিন হ'ব সোণগুটিৰ আদৰণি ।
সেই দিন আহিল আজি
হাতৰ মুঠিত শুৱনি হল ধানৰ মুঠি ,
বিৰিয়াত পিতাই নিয়ে ডাঙৰী
ভঁৰাল ঘৰ কৰে শুৱনি
আজি সোণগুটিৰ আদৰণি ।
ন খোৱাৰ দিন আহিল আজি
ন লখিমী ন অন্ন ,
একেলগে খায় সকলোৱে মিলি
কি যে সুখৰ জিলিকনি আই -পিতাইৰ মুখনি
আজি সোণগুটিৰ আদৰণি ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ