য'ত নদীৰ কুলত ফুলে
সেউজীয়া সপোনৰ
ৰৌদ্ৰোজ্বল সূৰ্যমুখী ফুল ।
শুকান কলিজাত, মোৰ
যন্ত্ৰণাৰ শিলচটা
কোন জনমত আঁতৰ হ'ব?
জীৱন জীয়াৰ তপস্যাৰ কণ্টকময় পথত
সকলো পোৱাৰ পিচতো
কিয় মানুহে কৰে
নোপোৱাৰ হাহাকাৰ
সকলো থাকিও নিঃস্ব
মানুহ নামৰ প্ৰাণী ।
বুকুৰ জুৰি ত
বেদনাৰ কল্লোল
দূৰ সুদূৰত স্বপ্নৰ
ময়ুৰপংখী
নীল অম্বৰত
অবাক তৰাৰ উচুপনি।
🔴ৰেণু শৰ্মা ,ডিব্ৰুগড়
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ