আহিনৰ এটি আবেলি -নৱজিৎ নাথ

কাঁচিয়লী ৰ'দৰ এচেৰেঙা 

পোহৰ খিৰিকীৰে সোমাই, 

বতাহ জাকে দি যায়    

 আহিনৰ অনুভূতিৰ 

 শিহৰণৰ এক বতৰা।।                     

আহিনৰ এটি হেঙুলীয়া                      

মিঠা ৰ'দৰ পৰশত ,     

কৃষকৰ হেঁপাহৰ ধাননি  

আঘোণত হয় সোনালী।। 

নীলা ডাৱৰে আৱৰা আকাশতো

এটি মিচিকিয়া হাঁহিৰে

জীপাল হৈ উঠে, 

পবিত্ৰ আৰু উজ্বল।।

আহিনৰ এচাতি শেৱালীত,

আলফুলিয়া কহুৱা বননীত ,

চতিয়নাৰ মধুসনা সুবাসত,                  

আপোন পহৰা হয়  

সকলোৰে মানুহৰ মন।।                       

 প্ৰকৃতিৰ শ্যামলী সৌন্দৰ্যত ,   

 অস্তগামী সুৰুযৰ এক

 হেঙুলীয়া ৰহন সনাত,   

 আহিনৰ প্ৰতিটো আবেলিত, 

 দি যায় প্ৰেৰণাৰ মধু সমল।। 

✍️নৱজিৎ নাথ ,

     ছিপাঝাৰ,দৰং