আহিনৰ এটি আবেলি -নৱজিৎ নাথ

0

কাঁচিয়লী ৰ'দৰ এচেৰেঙা 
পোহৰ খিৰিকীৰে সোমাই, 
বতাহ জাকে দি যায়    
 আহিনৰ অনুভূতিৰ 
 শিহৰণৰ এক বতৰা।।                     

আহিনৰ এটি হেঙুলীয়া                      
মিঠা ৰ'দৰ পৰশত ,     
কৃষকৰ হেঁপাহৰ ধাননি  
আঘোণত হয় সোনালী।। 

নীলা ডাৱৰে আৱৰা আকাশতো
এটি মিচিকিয়া হাঁহিৰে
জীপাল হৈ উঠে, 
পবিত্ৰ আৰু উজ্বল।।

আহিনৰ এচাতি শেৱালীত,
আলফুলিয়া কহুৱা বননীত ,
চতিয়নাৰ মধুসনা সুবাসত,                  
আপোন পহৰা হয়  
সকলোৰে মানুহৰ মন।।                       

 প্ৰকৃতিৰ শ্যামলী সৌন্দৰ্যত ,   
 অস্তগামী সুৰুযৰ এক
 হেঙুলীয়া ৰহন সনাত,   
 আহিনৰ প্ৰতিটো আবেলিত, 
 দি যায় প্ৰেৰণাৰ মধু সমল।। 

✍️নৱজিৎ নাথ ,
     ছিপাঝাৰ,দৰং

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)