দেউতা-ৰজনী কুমাৰ ডেকা

দেউতা তুমি কেতিয়া আহিবা ?

বোপাই তই কুশলে আছনে ?

এই শব্দবোৰ যেন আজি

লাহে-লাহে বিলুপ্তি পাবলৈ ধৰিছে 

সম্বোধনৰ ৰহণতো যেন আমি

ঘৰৰ মজিয়াতে বিদেশীৰূপ লৈছোঁ 

পিতৃ-মাতৃৰ সম্বোধনৰ ভুল শিক্ষাই

ল‘ৰা-ছোৱালীক প্ৰকৃত সম্বোধনৰ পৰা বঞ্চিত কৰিব লৈছে ৷

হয় বিজ্ঞানৰ যুগত আমি

আগুৱাই যাবই লাগিব ৷

মাথোঁ সম্বোধনেৰে নহয়,

শিক্ষা আৰু কৰ্মৰেহে ৷

"আমি অসমীয়া নহও দুখীয়া 

কিহৰ দুখীয়া হ'ম" 

যুক্তিৰ কথাবোৰ যেন এদিন

অযুক্তিকৰ হৈ পৰিব ,

এটি-দুটিকৈ অৰ্থবোৰ জহি-খহি যাব ৷

আহক আমি অতীতৰ সম্বোধন আৰু পৰাম্পৰাবোৰ জীয়াই ৰাখি

নতুন দিগন্তলৈ আগুৱাই যাওঁ ৷