সুৰৰ আদৰ -ৰজনী কুমাৰ ডেকা

ৰাতি বাঁহী নবযাবি ককাই

ৰাতি বাঁহী নবযাবি, 

অবুজ হৃদয়ৰ হৃদয় উলংঘন হয়,

কি সুৰ  জগালি ককাই , কি

সুৰ দিলি? 

মোৰ সপোনৰ  চিত্ৰখন 

তেনেই উকাঁ হল। 

মোৰো নিদ্ৰা  সৰিব, ৰং- তুলিকাবোৰ নিঠৰুৱা হ'ৱ

আলসুৱা সপোন বোৰ 

জোনৰ দেশলৈ উভতিব। 

আৰু সুৰ নিদিবি ককাই 

আৰু সুৰ নিদিবি  , 

অনাদৰ  ৰক্ত মদাৰৰ বিষাদ 

কোনে বুজি পায়, 

ডালে -ডালে ফুলে 

ডালতে  মৰহি সৰে  । 

আৰু সুৰ নিদিবি ককাই, 

আৰু সুৰ নিদিবি। 

এন্ধাৰৰ বেদনা সচাঁকৈ গধুৰ 

জোনাকী পৰুৱাইয়ো বুজে। আবেগৰ নৈখনত ঘনে ঢৌ খেলে ককাই তোৰ সুৰ উটে  । 

তোৰ চকুলো  নিগৰিব ককাই 

পৃথিৱী খন তেনেই এন্ধাৰ হ'ব। 

ৰাতি বাঁহী নবজাবি ককাই, আৰু সুৰ নিদিবি   ।