প্ৰতিভা- ৰজনী কুমাৰ ডেকা

0
আজি জোনাক নিশা
    ডাৱৰীয়া মেঘে জোনটিক
ঢাকি ৰাখিছে, 
কেৱল মাথো চৌদিশে
     অমানিশা নামিছে  । 
চেঁচা -চেঁচা পৱনে,
      দেহলৈ শিহৰণ সানিছে  । 
জোনাকী পৰুৱাই 
       কাণে-কাণে কৈ যাব বিচাৰিছে 
চকু মুদি চোৱা 
        মনৰ দাপোনত
জোনক সাৱটি  লোৱা, 
        মিঠা-মিঠা সপোনত 
জোনে কথা পাতে, 
        নিদ্ৰাসনা দলিচাত
জোনে উমলি ফুৰে  । 
        দু বাহুৰ সুৱাসত
জোনটি সৰি পৰে, 
        আৰুনো লাগিছে কি! 
উঠা আৰু জাগা 
        সপোন নহয় দিঠকেৰে চোৱা।
আবেগৰ চকু পানীৰ 
        আছে কিনো মান  ? 
খেল মাথো প্ৰতিভাৰ 
         বিজয়ো হ'ব পাৰে প্ৰতিভাৰ  ! 
জোনক বিচাৰি পোৱা দুৱাৰো
         জানো নহয়নে মাথো প্ৰতিভাৰ  ।

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)