ভোগালী বিহু- হিমাক্ষী (হেপী) কলিতা

পুহ মাহৰ ঘটিল সমাপ্তি

আহি পালেহি চেনেহৰ ভোগালী,

গাঁৱে গাঁৱে ঢেঁকীৰ মাত

খোন্দে চিৰা,সান্দহ আৰু পিঠাগুড়ি।

একতা,সম্প্ৰীতিৰে বিৰাজমান

ভোগালী বিহুটি,

ভোগৰ ভোগেৰে আজি

ঘৰ উভৈনদী।

উৰুকাৰ নিশাৰ বাবে

ভেলা ঘৰৰ সৃষ্টি,

হিম শীতল পুৱাতেই

মেজি জুই উঠে জ্বলি।

ভেলাঘৰ সাজে

বাহঁ,বেট আৰু খেৰে,

সকলোৱে আনন্দৰ

লহৰ তোলে।

মেজি জুইৰ

উত্তপ্ত শিখা,

দপদপকৈ জ্বলে

পুৱতি নিশা।

সূৰ্য আৰু অগ্নি দেৱতাক

নৈবেদ্য হিচাপে পূজা হয়,

অন্ধকাৰৰ ওপৰতো হয়

পোহৰৰ জয়।

চাউল,মাহজাতীয় শস্য

ঘিউ, আৰু পিঠা জলপান,

মেজিৰ অগ্নিক

দান কৰা হয়।