অশ্ৰু - সুস্মিতা দাস

অশ্ৰু......

কাৰ বাবে নিগৰে 

তোমাৰ দুচকুৰ অশ্ৰু,

কাৰ বাবে অতীত বিচাৰি ফুৰে 

তোমাৰ দুটি নয়নে ?

তেওঁ জানো বুজি পাব 

তোমাৰ মনৰ কথা ? 

তেওঁ জানো মূল্য দিব

তোমাৰ দুচকুৰে নিগৰি যোৱা অশ্ৰুৰ টোপালক ?

কেতিয়াবা ভাৱিছা নে 

যাৰ বাবে তোমাৰ হৃদয়ে কান্দে,

তেওঁ জানো কেতিয়াবা ভাৱে তোমাৰ কথা !

যদি তোমাৰ অশ্ৰুৰ মূল্য 

তেওঁ দিবই নাজানে , 

তেন্তে কিয় নিগৰিবলৈ দিয়া

তোমাৰ মূল্যবান অশ্ৰুক ?

     

✍️ সুস্মিতা দাস 

      মৰিগাঁও