শত আপোন
মনৰ নাই থিককিয়া ,
সব তো আছে
কি হেৰালো .....
তথাপি কিয় নিঃশ্ব মই ?
সাঁচি ৰখা সপোন ভাঙি
তুমি গুচি গ'লা
উড়ন্ত পক্ষীৰাজৰ দৰে ,
বহু দূৰত .....।
মোৰ প্ৰেমৰ অনুভূতিত !
আজি মই এজনী প্ৰেমীকা , সঁচাই তুমি গুচি গ'লা বহু দূৰত .....
ৰাখিতো গৈছা ?
তোমাৰ হেজাৰ স্মৃতি ,
মোৰ সপোনৰ ভিড়ত ।
তুমি মোৰ হেজাৰ সপোনৰ খেল ,
যি সপোনে বহুদিন ধৰি
কৰিছে মোক অলস্ .....
সপোনবোৰ মায়াবি ;
সপোনবোৰ বহু জটিল ।
মায়াৰ ৰং দিছিলা তুমি
সৰল কৰি দিছিলা তুমি
মোৰ প্ৰতিটো কাহানীত ,
মূখ্য চৰিত্ৰ তুমি ।
হয়তো নাজানা .....
তোমাৰ অবৰ্তমানে ,
সকলো সপোন ভঙা ।
গঢ়ি'ব নোৱাৰো তোমাৰ অৱহেলাত
মোৰ সপোনৰ প্ৰকৃতি ।
মনমৰা মনমৰা .....
আজি নাই কোনো
প্ৰেমৰ সূচনা .....
তোমাৰ অপেক্ষাত ,
আজিও সপোন দেখো ।
এই জীৱন যায় যায়
থাকিম নে নাথাকো
তথাপি পাহৰি যাওঁ ।
দেখিছিলো দিনি-ৰাতি
সপোনৰ আৰ -বেৰ
গাঁথিছিলো দিঠকত ,
ৰাখিছিলো মনত ।
দেখা সপোনবোৰ
হৈছে ভঙা দাপোন ,
নেদেখা সপোন
আজি আপোন ।
কিয় হৈছে আপোন .....?
মোৰ সপোনত
কেৱল তুমিই ,
আছিলা সপোন তুমি ।।
✍🏻 ৰুম্পী দাস
ভালুকমাৰী ৰাণীপুখুৰী , হোজাই (অসম)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ