মনৰ অনুভৱৰ একলম- দিপশিখা ৰাজকোঁৱৰ

কি পালোঁ আৰু কি হেৰুৱালোঁ

সে‌য়া ভাবিবলৈ মোৰ আহৰি নাই

কোনটো দিন বেছি সুখৰ আছিল

কোনটো দিন বেছি দুখৰ আছিল

সেয়াও নিৰ্ণয় নকৰোঁ মই ।

মই বৰ্তমানতহে জীয়াই থাকিম

সেয়ে এনেকৈয়ে সামৰোচোন

অতীতৰ সেই সোণালী আৰু

বিষাদৰ দিনবোৰ...... 

কিয়নো বেদনাভৰা কথাবোৰ ভাবি

নিজকে কষ্ট দিম নতুন দিনত

সুখেহে জীৱন সোণালী কৰে

দুখবোৰে মাথোঁ নতুন আঘাত

সৃষ্টি কৰি হৃদয়ত কষ্ট দিয়ে।

সপোন সন্ধানী অভিমানী মনটো

এনেকৈয়ে জীপাল কৰি ৰাখিম

আৱেগভৰা কথাবোৰ সদায়

ডায়েৰিৰ পৃষ্ঠাত যুগমীয়া কৰিম

অনুভূতিৰ অভিব্যক্তিৰ টুকুৰাবোৰ

যোৰা লগাই এটা এটাকৈ

সুন্দৰ ৰূপ দিম....... ।