বৰ্তমান হেৰায় গ'ল,
আজি মানৱতা।
মানুহৰ মাজৰ সেই
অকৃত্ৰিম মৰম আৰু আদৰ।
চৌদিশে কেৱল ৰক্তই
খেলিছে মাথোঁ ফাকু,
অন্যায়, দুৰ্নীতি , আৰু
সমাজ লুণ্ঠনত
কঁপি উঠিছে দেশ ।।
ন্যায় - অন্যায় প্ৰতিবাদত
আজি মানৱ সমাজখন
হ'ল ভোকাতুৰ।
জ্ঞানী আৰু শিক্ষিত
ভদ্ৰ বনিতাৰ মাজতো
বৰ্তমান হেৰায় গ'ল
আজি মানৱতা ।।
সকলো যেন মুখা
পিন্ধা একোজন ভদ্ৰলোক।
ন্যায় -অন্যায় সন্ধানত
ৰাইজৰ মাজত শব্দৰ প্ৰতিবাদ ।
সকলো যেন আত্মকেন্দ্ৰীকতাত
বিলীন হ'ল মাথোঁ।।
সমাজৰ হত্যা,হিংসা,
লুণ্ঠন,আৰ্তনাদ আৰু
বেদনা হ'ল এক হ'ল
স্বাভাৱিক অবিৰত প্ৰক্ৰিয়া ।
দুচকু থাকিও
বৰ্তমান মানৱ সমাজ
হ'ল মাথোঁ নিমাত।।
সকলো নিজ স্বাৰ্থ ,
নিজ লক্ষ্যত
ব্যস্ত মাথোঁ,
কাৰো নাই আহৰি ।
সকলো মায়াসনা
এক তন্দ্ৰাজালত বিলীন । আৰু
আজি সমাজত হেৰায়,
গ'ল সেই মানৱতা ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ