সৰাপাতৰ বেদনা বুজিব নোৱাৰে মলয়াই।
ফাগুনৰ প্ৰেমত ভাগি পৰে সৰাপাত ,
টোকোৰা টোকোৰা হৈ।
সৰাপাতে আমনি নকৰে ফাগুনী পচোৱাক ,
ফাগুনে বিচৰা দৰে নিৰৱে ভাগি যায় !
মলয়াই যেনিয়েই নিয়ে তেনিয়েই উৰি যায়
কোনো প্ৰশ্ন নকৰি ,
ফাগুনৰ মায়াজালত পৰি
সৰি পৰে সৰাপাত ,
নিজৰ অস্তিত্ব পাহৰি।
ফাগুনৰ পিছতে বসন্তৰ জাননী ,
কুঁহিপাত গজিব, অতীত হৈ ৰ'ব
সৰাপাতৰ বিননি।
প্ৰকৃতিয়ে সাজিব ন সাজেৰে
ঢাকিলৈ নতুনত্বৰ উৰণি ,
কোনেনো শুনিব সৰাপাতৰ উচুপনি।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ