ধন্য নৰতনু ভাল-জিতেন চেতিয়া

আমি প্ৰতিদিনে নিজেই নিজক হেৰুৱাই পেলাইছো !

মই পৰা মোৰলৈ থকা সুষ্ঠ মানসিকতা

মোৰ পৰা তোমাৰলৈ থকা সৱল মানৱীয়তা !

কি হেৰুৱাই 

কি পাইছোঁ জীৱনত ভাবিবলৈ  আহৰি নাই

মাথোঁ গিনিপিগ হৈ উপভোগ কৰিছোঁ

উপভোক্তা হৈ নিয়মৰ বোকোচাত ৷

সময় দিন বাৰ 

আজি যেন গৌণ ---

লালসাৰ মৰা সুঁতিত মানিক বিচাৰি

মুকুতাকে এৰিছোঁ

ইতিহাসক পাহৰি গলোঁ

পাহৰি গলোঁ দেশ গঢ়োৱা 

সেই দেশান্তৰ সকলক

যি আমাৰ ভৱিষ্যত নিৰ্ণায়ক আছিল ৷

আমি মাথোঁ দৌৰিছোঁ আগলৈ

কেতিয়াবা মানুহৰ নিচিনাকৈ

কেতিয়াবা বান্দৰৰ দৰে

কেতিয়াবা কুকুৰৰ দৰে অলিয়াবলিয়াকৈ

এখন বিৰাট বজাৰত মালিকীস্বত্ব বিচাৰি ?

ধন্য নৰতনু ভাল

কলিৰ শেষত হব কল্কি অৱতাৰ

আমি নিশ্চয় তাকেইতো কামনা কৰোঁ 

নহয় নে বাৰু ---৷

           ✍️ জিতেন চেতিয়া ৷