প্ৰিয়তমা-মাৰ্জিনা বেগম

বহু দিনৰ অন্তত 

হাতত তুলি ল'লো 

তোমালৈ লিখোঁ বুলি 

 কাগজ আৰু কলম । 

অপেক্ষাৰ বাটঘৰত 

সৰা পাতত গাঁথি দিয়া 

পামনে তোমাৰ উৰণীয়া চিঠিৰ উত্তৰ ?

তুমিতো জানাই 

ফাগুন মোৰেই সদায় ,

উৰি ফুৰে মোৰ জীৱন চিলা 

 বিষাদিনী পছোৱাৰ আঁচল কোবাই ।

প্ৰিয়তমা, 

তুমি মন কৰিছা নে ? 

জীৱনত তোমাক দিব পৰা নাই 

 পলাশৰঙী এষাৰি মাত.....

ধূসৰিত ধূলিত হ'লা বিলীন ।

তুমিতো নাজানা !

তোমাক ভাল পোৱাও নহ'ল ,

অসংলগ্ন কবিতাৰ শাৰীত 

মাথোঁ জোন বেলি তৰাৰে...

সবিনয় নিবেদন 

 সৰল ৰেখা টানি 

তোমাৰ কাষ পোৱাৰ ।।

✍️মাৰ্জিনা বেগম ।