ফাকুৱা- মধুমিতা গগৈ

ফাগুনৰ পছোৱা বতাহ জাকে

মনে মনে আহি মোক কৈ গ'ল 

কাণে কাণে ৰঙা , নিলা ৰঙেৰে

সমনীয়াৰ লগত খেলো আহা এটি খেল ।

ফাকুৱাৰ ৰঙেৰে মনবোৰ কৰো আহা জীপাল 

শান্তি সাম্প্ৰীতিৰ আনন্দ বিলাই 

গঢ়ো আহা ভাতৃত্বৰ এনাজৰী ।

এই ফাকুৱাৰ ৰঙে

চাৰিওফালে কঢ়িয়াই আনে

ফাকুৱাৰ গীতৰ ধ্বনি ।

ৰঙা, নিলা সাতো ৰঙেৰে

হাঁহি স্ফুৰ্তি কৰি 

সকলোৱে মনবোৰ ৰঙেৰে

উপচাই তোলে ।

এই ফাগুন মাহৰ পূৰ্ণিমা তিথিৰ

হোলী উৎসৱে কঢ়িয়াই আনে 

ৰঙীন আশাৰ বতৰা ।