শিৱসাগৰলৈ আহিবা -অন্তৰা আজৰা

©Admin
0
এইবাৰ বিহুত তুমি 
       শিৱসাগৰলৈ আহিবা , 
সাঁচতীয়া মৰমবোৰ মোক 
       হেঁপাহেৰে যাচিবা। 
জাঁজী দলং পাৰ হৈ 
        আমাৰ জিলা পাবা , 
37 নং ঘাইপথেদি 
         পূবে আগুৱাই যাবা ।
গৌৰীসাগৰৰ নামদাঙৰ  
         শিলৰ সাঁকো দেখিবা ,
বৰ ৰজা ফুলেশ্বৰী দেৱীৰ 
          দ'লত সেৱা যাচিবা।
ভটিয়াপাৰত শৰাইঘাটৰ  
          যুদ্ধ স্মাৰক পাবা, 
জয়মতী উদ্যান পাৰহৈ 
          আগুৱাই অলপ যাবা ।
ওচৰতে দেখিবা তুমি 
            ৰুদ্ৰসাগৰ পুখুৰী , 
জেৰেঙা পথাৰত শুনিবা তুমি 
             গৰখীয়াৰ সুহুৰি।
কৰা যদি জয়মতীৰ  
              জয়সাগৰ দশৰ্ন, 
মাতৃ প্ৰেম দেখা পাবা 
               অনন্য নিদৰ্শন। 
তলাতল ঘৰ চোৱাৰ হেঁপাহ  
              তোমাৰ বহুত পুৰণি , 
কাৰ্যকৌশল দেখিবা তুমি
               বহুত শুৱনি।  
দিখৌ নদীৰ ধ্বনি তুমি 
               এবাৰ শুনি চাবা ,
কপি কপি লগা সেতুৰ বিননি 
               তেতিয়াহে বুজি পাবা। 
আজানপীৰৰ দৰগাহ তুমি 
               সৰাগুৰি চাপৰিত চাবা,
সৰল ৰূপত বিহু তুমি 
               ৰংঘৰতে পাবা ।
ৰংঘৰ , কাৰেংঘৰ চাই 
               আগুৱাই আহিবা , 
শিৱসাগৰৰ শিৱ দৌলত 
               সেৱা যাচিবা। 
আছে আৰু বহুখিনি 
               প্ৰাচীন কীৰ্তিচিহ্ন, 
কালক্ৰমত হোৱা নাই 
               এতিয়াও যি নিচিহ্ন। 


✍️অন্তৰা আজৰা,
শিৱসাগৰ

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)