কুলি-এছ ইছলাম

ক'লা বৰণীয়া চৰাই তুমি 

ৰঙা বৰণীয়া ঠোঁট 

জুমি জুমি চাওঁ আমি 

দিনৰ ভাগত 

লুকাই থকা পাতৰ আঁৰত ।

গীত গোৱা গছৰ ডালত 

বসন্তৰ বতৰত

উৎসাহ যোগোৱা কবি হৃদয়ত 

গভীৰ নিশাৰ ভাগত 

টোপনি নাই তোমাৰ চকুত ।

তুমি কিনো গীত গোৱা 

কবি সকলৰ প্ৰাণ কাঢ়ি লোৱা 

ধৰালৈ প্ৰেম-প্ৰীতি বিলাই দিয়া

মৰম-চেনেহ কাঢ়ি নিয়া

যেন গভীৰ বেদনা যুক্ত তোমাৰ হিয়া।

হে কুলি তুমি বিহংগীনি 

তুমি প্ৰেম দায়ীনি

কাৰ প্ৰেমৰ গীত গোৱা তুমি 

তোমাৰ প্ৰেমৰ মাদকতাত

ভোল যাওঁ আমি ।

✍️এছ ইছলাম, শিক্ষক

পঃ মইনবৰী, বৰপেটা