অস্তিত্ব সংকট-শতাব্দী শৰ্মা

ভাষাৰ গৰিমা লোপ পাই 

জন্ম - জন্মান্তৰৰ অস্তিত্ব সংকটত ,

বিভেদকামী জনতাৰ ভাগ্য নিৰূপণত

ৰণভূমি হেন অসমৰ যন্ত্ৰণা।

মৃদু উত্তালত বেবেৰিবাং সমাজত

গৌণ ভূমিকা পাবত গজা মহান হোতাৰ  

বিচ্ছিন্ন শিপা পুলি পোখাৰ উত্থানত 

শূণ্য অৱদান অজস্ৰ প্ৰশ্ন থান বান।

ভাষাৰ সৰলতাই য’ত বঞ্চনা পায়

সেই আই অসমীৰ বিষাদ গধূৰ হৃদয়

পাশ্চাত্য অনুৰাগৰ পাৰভগা উচ্ছাসত  

হেৰাই গৈছে মহিমা গৰিমা মাতৃভাষাৰ 

জাতি সংকটত ,

ৰাজপথৰ পৰিকল্পনা বিহীন যেন নিৰ্দেশনা

মনোযোগ আকৰ্ষণৰ দিশত মাতৃভাষাৰ জঠৰতা।

  

◾ শতাব্দী শৰ্মা