হেৰুৱা মৰম- দিপশিখা ৰাজকোঁৱৰ

এপলক ৰৈ যোৱানা তুমি

মই ধৰি ৰাখিব নোৱাৰোঁ

সপোন ভাঙিলে যে তোমাকো

হেৰুৱায় পেলাও দুচকুৰ পৰা

তুমি নুবুজানে দেউতা....... 

দুচকু মুদিলে তোমাক দেখো

দুচকু মেলিলে সন্মুখত চোন 

তোমাৰ ছাটো নেদেখোঁ .... ।

দিনবোৰ বাগৰি গৈছে

দুখবোৰে পিছ নেৰা হৈছে 

জীৱনৰ সুখ দুখৰ গান গাও 

খোজে প্ৰতি পিছলি যাও

তোমাৰ সহাৰিৰ প্ৰতি পলে

অনুভৱ কৰোঁ দেউতা.... 

তুমি নহ'লে মোৰ জীৱনটোৱে

কেনেকৈ পূৰ্ণতা পাব

ভাবিয়েই নাপাওঁ....... 

হেৰুৱা মৰমত মাথোঁ

জীয়াই আছোঁ দেউতা বেদনাৰে ।