জীৱনৰ পিছল বাট- সংযুক্তা বৰা

জীৱনৰ বৰ পিছল বাট, 

বহু বাধা যে আছে তাত।।

পদে পদে হয়তো পাম বিপদ,

সাহসেই হ'ব মোৰ সম্পদ।।

বহু মানুহ মই লগ পাম,

ভাবি-চিন্তিহে মনৰ কথা ক'ম।।

আই-পিতাইক কৰিম সন্মান, 

মইও তেতিয়াহে পাম মান।।

জীৱন বাটত মই ভৰি থৈ,

পিছফালে নাচাও থমকি ৰৈ।।

পৰো যদি পিছলি জীৱন বাটত, 

সাহস এৰি নিদিও কেতিয়াও মনত।।

উঠিবতো লাগিবই মই নিজে,

ছাঁটোৱেও কেতিয়াবা লগ এৰে।।

নকৰো মনত অকনো সংশয়,

আগবাঢ়ি যাম এদিন মোৰ হ'ব জয়।।