প্ৰলয়-ৰজনী কুমাৰ ডেকা

প্ৰলয়বোৰ কিয় আহে ?

বহু যুগৰ স্মৃতিবোৰ বিচূৰ্ণ কৰে 

আশাৰ বান্ধোনবোৰ খহি খহি পৰে৷

কাঁচিয়ালি ৰ’দত বহি অপেক্ষা 

কৰিছিলোঁ ,

চিগি যোৱা চিলাখনৰ উমান

নেপালোঁ।

তাৰ প্ৰত্যুত্তৰ বিচাৰি

আকাশলৈ সুধিছিলোঁ

সাগৰত তোমাৰ স্থান কি ?

তথাপিতো নেৰিলা সূক্ষ্ম পৰিহাৰ

এন্ধাৰত ৰচা জোনাকৰ সপোনবোৰ

ভগা কাঁচৰ টুকুৰা সৰাদি

ব্যৰ্থতাত সৰি সৰি পৰে ৷

কাণ্ডাৰিক সুধিলে জানো

পাম তোমাৰ পৰিকল্পনা কি?

বিচুৰ্তি জাগিছে মনত মোৰ 

আঁৰত নাই সমাহাৰ ৷

পৈশাচিকত ৰূপ ল’লে 

চাকনৈয়াৰ চানেকি ,

সেয়ে অতিথি প্ৰলয় তুমি

পৃথিৱীত তোমাৰ স্থিতি শূণ্যতা হোৱা

প্ৰলয় তুমি চিৰ মেলানি লোৱা ৷

✍️ৰজনী কুমাৰ ডেকা , ৰঙিয়া।