বাৰেচহৰীয়া ভাওনাই
জামুগুৰিহাটৰ পৰা
ডেকাসুন্দৰৰ সেই
পথাৰ পকামুৰাত
বিচিত্ৰ কৃষ্টিৰ বয় ধাৰা ।
মোৰ ধাৰণা হয়তো
ভাওনাৰ খলাৰ নক্সা
গজেন বৰুৱাই অঁকা
শোণিত কোঁৱৰ নামেৰে
পৰিচিত বৰুৱা
ভৰলী পৰীয়াৰ ককা ।
তাহানি বানৰ নগৰৰ
অগ্নিগড়ৰ অগনিয়ে
চুলে নেকি বাৰচহৰ ?
যাৰ বাবে প্ৰতিপঞ্চ
বৰিষৰ মূৰে মূৰে
সজাই তোলে কৃষ্টিৰ বৰঘৰ ।
এই মহোৎসৱ সৃষ্টিৰ
জলৰ জোৱাৰ বৈ আছে
৭০/৮০ দশকৰ পৰা ।
ভক্তপ্ৰাণ জনতাৰ
দোহোচৰণ পখালি
গঢ়ি তোলে ভকতিৰ ধৰা ।
জন্মৰ পৰা যোৱা নাই
ভাওনা পৰ্য্যটনস্থলীলৈ
বিশ্বনাথৰ মই মূঢ়মতি ।
ভুল ভ্ৰান্তিৰ মাজেৰে
মহা মহোৎসৱক লৈ
লিখিছো টোকা এটি দুটি ।
নাই কোনো জাতি ধৰ্ম্ম
নিবিচাৰি বৰ্ণ বৈশ্য
ভাৰত অসমৰ ভকতক মাতি ।
কোনে কেতিয়া দিলে
মহা সমন্বয়েৰে
জনতাৰ মিলনৰ গাঁঠি ?
যদিও সু দৃষ্টিৰ
নিলগত মিলনথলী
কলমেৰেই জনালো প্ৰণিপাত ।
◾ বসন্ত ওজা
নাম মুৰুখমতিৰ
ওপজাভূমি বিশ্বনাথ ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ