কুলি চৰাই-ৰজনী কুমাৰ ডেকা

শিমলু ফুলিল,মদাৰ ফুলিল

কুলি চৰায়ে পাতৰ আঁৰত গীত জুৰিল,

আহিছে বসন্ত,আহিব ব'হাগ

সুগন্ধিৰে বিয়পিব ৰাতি দোভাগ ৷

কুলিৰ বিননি বৰ সুৱদি সুৰিয়া

চমকা ৰ'দে চকুলৈ বিজুলী আনে

ভৰদুপৰীয়া ৷

কুলিৰ লাজে মৰম সানে ,তাকে দেখি

ডেকা গাভৰুৰ মিলন উপচাই  আনে ৷

বিৰিখে বিৰিখে কোমল কুঁহি মেলে

প্ৰকৃতিয়ে নৱ সাজত ৰূপ ল'লে ৷

কুলিৰ বৰণ বৰ  ক’লা 

ৰূপলৈ নেচাওঁ গুণৰ বেলা ৷

আপোন পাহৰা হওঁ সুৱদি মাতত

নেদেখি বিচাৰি ফুৰো নদীৰ ঘাটত

কুলিয়ে নোৱাৰে সাজিব বাহ 

কেতিযাও নিবিচাৰো ক‘লা ফুলৰ

সুৱাস ৷

শিমলু ফুল সৰিব,মদাৰ ফুল সৰিব

সুৱদি সুৰে যেতিয়া নিতাল মাৰিব ৷

নেযাবি কুলি অজান ঠাইলৈ গুচি

প্ৰকৃতিত নাথাকিব শৌৰ্য্যৰ অভিৰুচি ৷