গামোচা-ৰজনী কুমাৰ ডেকা

আই তই যে মোক বিহুত

গুটিফুলৰ গামোচাখন দিছিলি

পাগুৰিত মোক বৰকৈ সজাইছে অ',

নাম ঘৰৰ মজিয়াত,হোমৰ গুৰিত

কেতিয়াবা খেতিপথাৰত আৰু

কেতিয়াবা সমাজৰ মাজত,

তোৰ দুহাতেৰে বোৱা গামোচাখন

বৰকৈ জিলিকিছে অ' আই ৷

কিযে আদৰৰ ! কিযে চেনেহৰ !

আৰু কত যে সন্মানৰ ,

তোৰ এই সপোন ৰচা গামোচাখনৰ

গামোচা মোৰ পৰিচয়,গামোচা মোৰ প্ৰাণ ৷

গামোচা মোৰ সুখৰ আৰু

গামোচা মোৰ দুখৰ সমভাগী ৷

আই তই মোক নিঠৰুৱা কৰা নাই ৷

জনমে জনমে মোৰ ডিঙিত জিলিকিব 

তোৰ দুহাতেৰে বোৱা গামোচা খন,

আই শিৰত ৰাখিম তোৰ আশীৰ্বাদ কণ ৷

           ৰজনী কুমাৰ ডেকা

                    ৰঙিয়া  ৷