ভুল সিদ্ধান্ত -অজয় ডেকা

আমি যে অলপতে সিদ্ধান্ত কৰিলোঁ

কথাবোৰ কিন্তু ভবা দৰে সহজ নহয়

গৈ থাকোঁতে গৈ থাকোঁতে 

ভাগৰ লাগিব পাৰে

ওখ-চাপৰ মাটিত উজুতি খাই 

ভৰিৰ নখ ভাঙিব পাৰে 

এটা তিনিআলি পাওঁতে

খোজ দীঘল চুটি হৈ পথ যদি দুটি হয়

আৰু হঠাৎ এঠাইত বহি থাকোঁতে

পাগলাদি‌য়া ঘূৰণী বতাহে 

নৈখনৰ ইপাৰে সিপাৰে যদি আমাক

থৈ যায়

এই দুৰ্ঘটনাত যদি‌ অলপতে লোৱা সিদ্ধান্ত 

নিহত হয়

তাতকৈ ভাল 

তুমি উজনিত মই নামনিত‌।।