জীৱন জীৱন বৰ অনুপম-পাপু শইকীয়া

তুলিকাৰ ৰঙবোৰ

সিঁচি সিঁচি দিয়া, 

জীৱনৰ উকা কাগজত।

বহু ৰঙ বহুতো হাঁহি 

হেঁপাহ ভৰাই আনা, 

সপোন অঁকা দুচকুত।

বকুলৰ গোন্ধ কোন বাটে হেৰাই,

আশাবোৰে জানো সুগন্ধি ছটিয়াই ?

দিঠকে ক'তনো হাঁহি বিচাৰি পায়,

আন্ধাৰে হে চোন লগ নেৰায়।

তথাপি,

তুমি সুখ প্ৰতিধ্বনি,

ন-প্ৰভাতত থাকিবা ৰিঙিয়াই, 

জলঙাৰে জুমি চাম হেঁপাহ পলুৱাই ।

✍️পাপু শইকীয়া 

চিনাতলী (গোলাঘাট) 

ভ্ৰাম্যভাষ :-৯৮৬৪৫০২৮৭৩