সংগ্ৰামী মন-এহিয়া আহমেদ

জীৱন বাটত উজুটি খাই

হতাশ নহৈ আমি আগুৱাই যাম;

আই অসমীৰ স্বাৰ্থত আমি

কৰিম সংগ্ৰাম।

ৰজাঘৰীয়াই বুলডজাৰ মাতি

ভাঙি দিয়ে সপোনৰ ঘৰখন;

তথাপি ল'ব লাগিব আমি

বাচি থকাৰ পণ।

প্ৰাপ্তি- অপ্ৰাপ্তিৰ মাজেৰে

আগুৱাই যাওঁ আহক;

কৰ্ম-সংস্কৃতিৰ জৰিয়তে আমাৰ

জীৱন হ'ব সাৰ্থক।

মুকলি আকাশৰ তলত বহি আমি

তুলি ল'ম হাতত কলম;

শিক্ষাৰ পোহৰে উজলাব

আমাৰ জীৱন, কৰি যাম সংগ্ৰাম।

ধৈৰ্য্য আৰু চেতনা শক্তি

আছে আমাৰ মাজত;

শিক্ষাৰ পোহৰে দূৰ কৰিব

আছে যত অপ-সংস্কৃতি সমাজত।

সোণ হৈ জিলিকিম এদিন

বিশ্ব- দৰবাৰত;

সফলতাই ধৰা দিব

আমাৰ ওচৰত।।

✍️ এহিয়া আহমেদ

বৰথল কছাৰী গাওঁ, মৈৰাবাৰী

ফোন নং- ৮৮৭৬১২৩১২৪