চ'তৰ প্ৰথম জাক বৰষুণ-ৰেখা ৰাণী বৰ্মণ

ৰিমজিম এটা ৰঙীন আৱেগ 

উৰি আছিল এজাক সিমলু বালি

অকস্মাত জিন পৰি ৰ'ল

 বালিচন্দা ৰাতি

 উৎপ্ৰেক্ষা সময়ৰ ৰূপান্তৰেদি 

পৰিবৰ্তনৰ গৱেষণাত

জলবায়ুৰ নীৰৱ স্বাক্ষৰ 

আকাশৰ কক্ষচ্যুত 

ৰুক্ষ বুকুৰ পৰা

সৰি পৰে মেঘৰ ফুল 

সৰি পৰে গোটা গোটা বাখৰ

গাতে বা লগা অজান স্পৰ্শত

অমোঘ বসুন্ধৰাৰ দেহাঘাট 

এজাক ৰ'দৰ বৰষুণ 

চেনেহা চেনেহী বসন্ত বতৰা

সৌকুমাৰ্য্য মেদিনীত 

নতুন আনন্দ সভা

কুলি কেতেকীৰ কণ্ঠত 

সপ্তস্বৰৰ অদীন বন্যা 

শিপিনীৰ ব বাতিত প্ৰেমৰ জোট 

লিহিৰি আঙুলিৰ পাৱত নাচে 

অমোঘ দামিনী অষ্টৰস 

ফাগুনৰ নাঙঠ  বিৰিখত সবুজ আশা

এয়া যে চ'তৰ প্ৰথম জাক বৰষুণৰ সদালাপ।।