নবেম্বৰৰ পঞ্চম দিনত
সুধা অনন্তলৈ গ'ল ,
অসম আৰু অসমীয়াৰ
সুৰ কণ্ঠৰ বীণা
ভাগিচিগি থানবান হ'ল ।
যদিও আমাৰ সুধাই
বসুধাক মাগি বিদায়
চিৰদিনলৈ গুচি যায় ।
কলম কণ্ঠ সুৰেৰে
অসম অসমীয়াৰ সত্ত্বা
অগ্নিশিখাৰ দৰে
থ'লে উজ্বলায় ।
তিনিদিন তিনিৰাতি
ধৰ্ম্ম কৰ্ম্ম কৰি ক্ষতি
কাৰো ক'তো
ভাত পানী নাই ।
দেশ বিদেশৰ জনতাৰো
হৃদয় স্পন্দিত হ'ল
সুধাই কিয়
মাগিলে বিদায় ?
কোটি কোটি জনতাই
গুণত মগন হৈ
কৰিলে অন্তিম শ্ৰদ্ধা দান ,
সুধা তুমি গুচি গ'লাগৈ
সুৰৰ অমৃত ধৰাত থৈ
গগন পৱনৰো তুমি
ৰাখিছিলা মান ।
ড° অমৰজ্যোতি
চৌধুৰী ডাঙৰীয়াৰ
কলমত শব্দ নিগৰি গ'ল ,
ভূপেনদা নামৰ সেই
স্মৃতিৰ কবিতা শাৰী
এটা গান শেষ হ'ল ।
বিশ্বৰত্নৰ চিতাৰ কাষত
প্ৰজাৰ পদধূলাৰ ভৰত
ধ্যান মগ্নৰো ভাগিল ধ্যান ,
গীতামৃতৰ কলচি
জনমানসত ওপঙি ৰ'ল
সুধাৰ নশ্বৰ দেহ
সিমানতে হ'ল শেষ
পঞ্চভূতত নিমিষতে
হৈ গ'ল ম্লান ।
⛔বসন্ত ওজা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ