হৃদয়ত তুমি-শিল্পী দাস

মোৰ অজানিতেই আজি

তুমি হৃদয়ত বন্দী হ'লা ।

মোৰ জীৱন বাটৰ

এটা অংশ হৈ গ'লা।

নাজানিছিলোঁ মায়া কি?

ভালপোৱা কি?

তুমি আহি শিকাই দিলা ।

আজি তোমাৰ মায়াত পৰিছোঁ,

তোমাৰ প্ৰেমত পৰিছোঁ;

কিন্তু কথা দিব নিবিচাৰোঁ।

কিয় জানো নুবুজা

অ মোৰ প্ৰিয়জন?

মইও তোমাক ভালপাওঁ

জীৱনত তোমাকেই কাষত চাওঁ,

কিন্তু মোৰ ইচ্ছাৰ

আছে জানো দাম।

মোৰ পৰশে নপৰে যেন

তোমাৰ জীৱনত দুখৰ ছাঁ,

সেয়াই মোৰ অপ্ৰাণ কামনা।

      ✍️ শিল্পী দাস

     ভালুকমাৰী ৰাণীপুখুৰী, নগাঁও

    চতুৰ্থ ষান্মাসিক(বাণিজ্য শাখা)