আজলী নাচনী- ৰজনী কুমাৰ ডেকা

আজলী মোৰ চেনেহী নাচনী

খোপাত কপৌ -- তগৰ গুজিলি ,

এই বেলিও অসমীৰ চোতালত নাচিবি ,

নাহাঁহা নামাতা কথাও নোকোৱা ,

জেতুকাৰে বোলোৱা ৰঙীন

দুহাতেৰে গামোচা বৈচা ৷

কল্পনাৰ সাগৰত ডুবি ,

গুটি ফুলৰ ফুল তুলি ,

প্ৰিয় জনক ওলগ জনাবি ৷

বিহুৰে বতৰত মুগা ,ৰিহা সাজত

খোপাত কপৌ , নাহৰ গুজি

আহঁতৰ তলত নাচিবি ৷

ঢোল--পেঁপা সাজু কৰি 

নদীৰ ঘাটত ৰৈ আছো তোলৈ বুলি

মুখত গুৱা , ক“পালত ৰঙা বেলি,

ওঁঠত ৰঙীন সানি ওলাই আহিবি ৷

বিহুৰ যে বতৰত আপোন পৰক লৈ 

নকৰিবি আমনি ৷

আহচোন আহ ঢোলৰ কাষলৈ আহ ,

বিহুৰ বতৰত সকলোৱে নাচো এপাক গৈ ৷