তুমি গ'লা বহু দূৰ দূৰণিলৈ ।
আকাশৰ জোনবাইৰ দেশলৈ
পূৰ্ণিমাৰ ৰাতি
চৌদিশ পোহৰ কৰি
আহিবানে আকৌ
আমাৰ মাজলৈ ??
কাল আমানিশাৰ বেহুত পৰি
গ'লাগৈ জীৱনৰ নাট সামৰি ।
অদম্য সাহসৰ টঙালি বান্ধি
সমাজত নিজকে
সজালা পৰালা তুমি
শান্তি সত্যৰ মহাৰথী ।।
তুমি নোহোৱা আজি
কতবেলা হ'ল ।
তোমাৰ সোণালী স্মৃতি
হৃদয়তে ৰ'ল ।
হিংস্ৰ পশু মনৰ
পাষণ্ড পিশাচ কিয়
ৰজাৰ কাঠগড়াত
থিয় নহ'ল ??
বাৰহাত দীঘল জালৰ
তেৰহাত ফটা
পুঠি খলিহনা
পাহত ৰৈ যায় ।
বৰ বৰ ৰৌ বৰালিৰ
বাবেহে দেখিছো
সৰু বৰ একো
জাল নাই ।।
◾বসন্ত ওজা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ