নিৰৱতা- দিপশিখা ৰাজকোঁৱৰ

নিঃস্তব্ধ সময়ৰ নিৰৱ নিশা

তোমাৰ সতে কথা পাতো 

অভিমানভৰা কথাবোৰ

ডায়েৰিৰ পৃষ্ঠা লুটিয়াই

তোমাক পঢ়ি শুনাও

কপা কপা মোৰ শুকান ওঁঠৰে।

জোনাকী পৰুৱাৰ পোহৰে

মোৰ চকুলো জিলিকাই 

তোমাৰ মৰিশালীৰ কাশে কাশে

অচিনাকী চৰাইজাকে বিনাই ।

জোনৰ আৰে আৰে আকাশৰ

তৰাবোৰে মোক জুমি জুমি চায়

কিন্তু তুমি অভিমান সামৰি

এবাৰো মোক নোচোৱা কিয়?

তোমাৰ অবিহনে সকলো ৰংহীন দেউতা

অভিমানী মনো এতিয়া উদাস

উন্মনা হিয়াও এতিয়া নিঃসংগ 

সকলোতে মাথোঁ নিৰৱতা দেউতা।